بەڕێوەبەرایەتیی هاتووچۆی هەولێر ڕایگەیاند، بەهۆی ئەنجامدانی کاری نۆژەنکردنەوە، بەشێکی ڕێگەی سەرەکیی هەولێر بۆ کەرکوک لە کاتژمێر نۆی پێشنیوەڕۆی ئەمڕۆوە داخراوە و کارکردن تێیدا دەستی پێ کردووە.
بە گوێرەی ڕێنماییەکانی هاتووچۆی هەولێر، ئەو ئۆتۆمبێلانەی لە هەولێرەوە بەرەو کەرکوک دەڕۆن، پێویستە لە مەفرەقی مورتکەوە بچنە سەر ڕێگە کۆنەکەی کەرکوک و لە شارۆچکەی قوشتەپەوە جارێکی دیکە بگەرێنەوە سەر ڕێگە سەرەکییەکەی هەولێر ــ کەرکوک.
بەڕێوەبەرایەتیی هاتووچۆ هیچ وادەیەکی دیاریکراوی بۆ تەواوبوونی کارەکان ڕانەگەیاندووە و ئاماژەی بەوە کردووە، پرۆسەی نۆژەنکردنەوەکە بەردەوامیی دەبێت. هاوكات داوای لە شۆفێران کردووە لە پێناو پاراستنی ئاسایشی هاتووچۆدا ئارام بگرن تاوەکو کارەکانی چاککردنی ڕێگەکە کۆتاییان پێ دێت.
بەهۆی نۆژەنکردنەوەوە بەشێکی ڕێگەی سەرەکیی هەولێر کەرکوک دادەخرێت
