ئەنجوومەنی باڵای دادوەریی عێراق: لە تۆڕە کۆمەڵایەتییەکان دەستەواژەی تائیفی بۆ دابەشبوونی کۆمەڵایەتی بەکاردەهێندرێت
دوای بڵاوکردنەوەی ڤیدیۆیەکی کۆن کە مەلایەکی شیعە هێرش دەکاتەسەر کەسایەتییە دیارەکانی سوننە لە تۆڕەکۆمەڵایەتییەکان، ئەنجومەنی دادوەریی عێراق ڕایگەیاند، هەر کەس و لایەنێک گوتاری تائیفی بەکاربهێنێت بۆ دروستکردنی پەرتەوازەیی، ڕێکاریی یاسایی لە دژی دەگیرێتەبەر.
ئەنجومەنی باڵای دادوەریی عێراق لە ڕاگەیەندراوێکدا دەڵێت، هەموو دادگاکانی لێکۆلێنەوە و داواکارە گشتییەکانیان ئاگادارکردووەتەوە بۆ چاودێرییکردنی حاڵەتەکانی بەکارهێنانی دەستەواژەی تائیفی لە تۆڕەکۆمەڵایەتییەکان.
ئەنجوومەنەکە دەڵێت، ئامانج لە بەکارهێنانی وتاری تائیفی دروستکردنی فیتنە و پەرتەوازەیی کۆمەڵایەتییە بۆ بەرژەوەندی سیاسیی و تایبەت، بەگوێرەی یاسا مامەڵەیان لەگەڵدا دەکرێت.