ئەمڕۆ دووشەممە، 14ـی ئەیلولی 2026، مەسرور بارزانی، سەرۆکی حکومەتی هەرێمی کوردستان، پێشوازی لە باڵیۆز ستیڤ فەیگن، هەڵسوڕێنەری باڵیۆزخانەی ئەمەریکا لە عێراق کرد، و لە کۆبوونەوەکەدا بیروڕا لەبارەی بەهێزترکردنی پەیوەندییە دوقۆناغییەکان و دۆخی گشتیی عێراق و ناوچەکە ئاڵوگۆڕ کرا.
هەردوولا هێرشەکانی سەر هەرێمی کوردستانیان سەرکۆنە و شەرمەزار کرد و جەختیان لە گرنگیی پاراستنی ئارامی و سەقامگیریی هەرێمی کوردستان کردەوە، هەروەها هاوڕابوون لەسەر گرنگیی زیادکردنی بەرهەمهێنانی نەوتی هەرێم و پەرەپێدانی هاریکاری لە نێوان هەرێم و حکومەتی فیدراڵ لە پێناو باشترکردنی دۆخی دارایی، زیادکردنی داهاتی گشتی و پاراستنی مافە دەستووری و شایستە داراییەکانی هەرێم.
لە کۆتاییشدا جەخت لە پێویستیی کاراکردنەوەی پەرلەمانی کوردستان و پێکهێنانی کابینەی نوێی حکومەتی هەرێم کرایەوە.