سەرچاوەیەکی باڵا لە وەزارەتی دارایی عێراق ڕایگەیاند، سەرجەم ڕێکارەکانی خەرجکردنی مووچەی مانگی تەمووزی فەرمانبەران و مووچەخۆرانی هەرێمی کوردستان تەواو کراون و وەزیری دارایی عێراق فەرمانی خەرجکردنەکەی ئیمزا کردووە.
هاوکات سەرچاوەیەک لە وەزارەتی دارایی هەرێمی کوردستان ڕایگەیاند، لە ماوەی 48 کاتژمێری داهاتوودا گوژمەی دارایی مووچەی مانگی حەوت دەگاتە هەرێمی کوردستان. بڕی پارەکە 840 ملیار دینارە و لە ماوەی دوو ڕۆژدا بە تەواوی دەخرێتە سەر هەژماری بانکیی وەزارەتی دارایی و ئابووریی هەرێمی کوردستان.
سبەی مووچەی مانگی تەمووزی فەرمانبەرانی هەرێمی کوردستان خەرج دەکرێت
