ساڵی نوێی خوێندنی 2026-2027 لە هەرێمی کوردستان بە بەشداریی زیاتر لە 1 ملیۆن و 750 هەزار قوتابی دەستیپێکرد، لە کاتێکدا کەرتی پەروەردە سەڕای دەستکەوتەکانی لە چاپکردنی پەڕتووک و کردنەوەی باڵەخانەی نوێ، رووبەڕووی کۆمەڵێک کێشە و قەیرانیش دەبێتەوە.
ئەمڕۆ پڕۆسەی خوێندن بۆ ساڵی نوێی (2026-2027) لە سەرانسەری هەرێمی کوردستان دەستپێکردەوە. بەپێی ئامارە فەرمییەکان، زیاتر لە 1 ملیۆن و 750 هەزار قوتابی دەگەڕێنەوە بەر پۆلەکانی خوێندن و زیاتر لە 137 هەزار مامۆستای میلاک و گرێبەست ئەرکی وتنەوەی وانەکان لە 7 هەزار و 590 قوتابخانەدا بەڕێوە دەبەن.
وەزارەتی پەروەردە بۆ ئەمساڵی خوێندن 19 ملیۆن کۆپی پەرتووکی چاپکردووە و 32 باڵەخانەی نوێی خوێندنگەشی کردووەتەوە، کە ئەمەش هەنگاوێکە بۆ کەمکردنەوەی فشارەکان لەسەر ناوەندەکانی خوێندن.
سەڕای دەستپێکی گەورەترین جووڵەی پەروەردەیی، کەرتی پەروەردە لە هەرێمی کوردستان هێشتا بەدەست چەندین کێشەی پێکهاتەیی و داراییەوە دەناڵێنێت، لەوانە پرسی مووچە و شایستە داراییەکانی مامۆستایان، کەمیی باڵەخانە و دیاردەی فرەدەوامی (دووامڵی).
جێی باسە، ساڵنامەی نوێی خوێندنی ئەمساڵ بە سیستمی 5 ڕۆژ دەوام لە هەفتەیەکدا و لە دوو وەرزی سەرەکیدا لەلایەن وەزارەتی پەروەردەوە جێبەجێ دەکرێت.