Rojnamevan Şêrwan Şêrwanî peyamek bi deng gihand gelê Başûrê Kurdistanê û daxwaza piştgiriyê kir û wiha got:
"Herî kêm hûn dikarin wêneyekî min parve bikin, ji bo taritiyê mûmek jî bese, qet kêm nebînin."
Şêrwanî diyar kir ku ev bêdengî xizmeta tu kesî nake û wek xencerekê li ruhê wî dikeve û wiha dewam kir:
"Hûn li derve ne û ez di girtîgehê de me, hûn dikarin bertekan nîşan bidin, divê em bi hev re têkoşin û dengê xwe derxin.
Hûn dikarin bi rêya torên xwe yên civakî piştgiriya min bikin.
Ger hûn bêdeng bimînin, dê heqê min li ser we hebe.
Ji ber ku min hemû mafên taybet red kirin, ez ne ji bo şexsê xwe, lê ji bo civakê û dengê azad têdikoşim."
