Cîgira serokê şandeya Yekîtiya Ewropa li Sûriyê Agne Gleveckaite bi nûnerên taxên Şêxmeqsûd û Eşrefiyê re civiya.
Di civînê de, Hêvîn Silêman, Fatme El Hesîno, Emîn Elîko, Nûrî Şêxo, Menan Cafer û Evîn Sîdo nûneratiya Şêxmeqsûd û Eşrefiyê dikirin.
Rewşa mirovî û ewlekarîyê ya Helebê ya taxên Şêxmeqsûd û Eşrefiyê hatin nîqaşkirin.
Her wiha qala êrîş û gefxwarinên li dijî herdu taxan kirin û bal kişandin ser pêkanîna peymanên 10'ê Adarê û 1'ê Nîsanê.
Şandeya Yekîtiya Ewropa ya Sûriyê li ser rûpela xwe ya Facebook`ê daxuyaniyeke bi dîmen a cîgira serokê şandeyê belav kir, tê de dibêje, ew hatine Helebê da ku li dengê her kesî guhdar bikin û wê di demek nêz de careke din vegerin.