Rêveberiya Xweser diyar kir ku peymana 10'ê Adarê û hevdîtinên piştî wê roleke mezin di avakirina zemîneke hevbeş ji bo diyalogan lîstin, lê belê hîna ew hevdîtin neketine pratîkê û ev jî bêcidiyeta saziyên fermî yên Şamê nîşan dide.
Hate destnîşan kirin ku diyaloga giştî rêbaza tekane ya misogerkirina yekîtiya Sûriyê ye.
Rêveberiya Xweser daxuyakirin ku pênasekirina têgînên wekî hevbeşî, nenavendî û bangên lihevhatina nîştîmanî wekî hewldanên cudaxwaziyê bên binavkirin, tiştekî ji rastiyê dûr e.
Daîreya Têkiliyên Derve ya Rêveberiya Xweser a Bakur û Rojhilatê Suriyê da zanîn ku ji bo hemû komîteyên wan dest bi xebatê bikin amade ne, lê belê li benda Şamê ne.
