Têkildarî meşa ji aliyê Tevgera Jinên Azad TJA`ê ve hatiye destpêkirin, Rêber Apo got: “Ez bawer dikim ku meşa azadiyê wê bibe bingeha muzakereyên demokratîk û tevkariyeke girîng bike.”
Rêber Apo da zanîn ku ji ber jin, bindestiyê qebûl nakin lewma ber bi azadiyê ve dimeşin û bal kişand ser têkiliyên Jin û Mêr û got: “Divê kes bi zimanekî otorîter an jî ferman nêzî hev nebe.
Di têkiliyên kevneşopî de, mêr serdest in, jin jî bindest û îteatkar in, ev otorîte nayê qebûlkirin.”
Rêber Apo diyar kir ku, gerek Jin pirsgirêkên xwe yên bi Dewlet, malbat û mêran re bi rêya muzakereyan çareser bikin û zimanê wekheviyê esas bigrin.
Di dawiya peyama xwe de, Rêber Apo ji hemû Jinên bi dirûşmeya “Em bi hêviyê ber bi Azadiyê ve dimeşin” re silavên xwe şand û keda wan a ji bo azadiyê pîroz kir.
