Rayedarên Ermenistan û Azerbeycanê li Waşingtonê bi hev re dicivin

Tevî nêzîkbûna wan ya ciyografî ji Moskovayê re, lê ew ji bo çareserkirina prisgirêkên xwe yên asê, berê xwe didin Waşingtonê.

Rayedarên Ermenistan û Azrebeycanê li paytexta Dewletên Yekbûyî yên Amerîkayê bi hev re dicivin.

Ev civîn di bin çavdêriya Amerîka de birêve diçe, dê her du welat rê û rêbazên aştiya mayînde û avakirina baweriyê gotubêj bikin.

Civîn di bin çavdêriya Trump de birêve diçe

Hikûmeta Ermenistanê ragihand ku Serokwezîr Nikol Paşinyan dê di 7-8 tebaxê de serdana Waşingtonê bike û li wir wê di civînek sêalî de, bi armanca xurtkirina hevkariyê û pêşvebirina aştiyê bi serokê Amerîkayê Donald Trump û serokê Azrebeycan Îlham Alyev re bicive.

Rewşa Nagorno bandorê li têkiliyên Yerîvan û Bakûyê dikin

Di Adara borî de, Ermenistan û Azrebeycanê dest nîşan kirin ku ew gihîştine reşnivîsekê ji bo imzekirina peymaneke aştiyê,lê ew peyman ji ber daxwazên Azrebeycanê yên ji bo guhertinên destûrî yên têkildarî herêma Nagorno-Karabaxê, bi fermî nehat îmzekirin.

Piştî hilweşîna Yekîtiya Sovyêtê, şer di navbera her du welatan de qewimî, herî dawî jî di sala 2023an de, Azer beycanê herêma Nagorno Karabax kontrol kir û hebûna leşkerî ya Ermenistanê li wir bi dawî bû.

Çavdêr texmîn dikin ku dibe ev lûtke, deriyê çareseriyekê veke, lê ew hîn jî girêdayî amedebûna her du aliyan e ku xwe ji nakokî û pirsgirêkên xwe yên kevin xelas bikin.