Xelkên Siweydayê piştî ku bajarê xwe ji hêzên Hikûmeta Vegûhêz rizgar kirin.
Niha ketine nava hewildanên xwe bi xwe rêvebirinê.
Di derbarê kar û barê Parêzgeha Siweyîdayê de, Komîteya Qanûnî ya Bilind a Siweydayê ku ji aliyê serokatiya rohanî yê Durziyan ve hatiye avakirin daxuyaniyek da.
Komîteyê ragihand ku wan ji bo birêvebirina kar û barên Siweydayê û gundewarê wê ofîsa Rêveberiyeke Demkî ava kirine.
Her wiha di heman çarçoveyê de Komîteyê ragihand ku wan fermandarek jî ji bo hêzên ewlehiya hundirîn erkdar kiriye.
Komîteyê di daxuyaniya de eşkere kir ku piştî rewşa Siweyda tê re derbas bû û komkujiyên ku hikumeta veguhêz li dijî wan pêk anîne, ji bo peydakirina pêdiviyên şêniyên bajêr û birêvebirina saziyan, pêwîstiya wan bi pergaleke bi vî rengî heye.
Erkê komîteyê birêvebirina kar û barên bajar e
Di daxuyaniyê de hate diyarkirin ku erkê komîteyê ew e ku birêvebirina kar û barên rêveberî, ewlehî û xizmetguzarî, parastina saziyên giştî û taybet, tunekirina gendeliyê û rakirina zulmê li ser welatiyên parêzgehê ye.
Her wiha komîteya Qanûnî ya Bilind dest nîşan kir ku ji bo birêvebirna bajar hin komîte wê werin avakirn ji wan komîteyên şaxî yên pisporê alîkariyên xêrxwaziyê, lêkolînkirina rastiyan û sûcan, kar û barên windahiyan, kar û barên şehîdan û birîndaran, şopandina xebatên nexweşxaneyan û xebatên tenduristiyê, perwerdeyê, aborî û jîngehê, bên avakirin.
Di daxuyaniyê de hate aşkerakirin ku Mahir Xalib El Endarî bû sekreterê giştî yê parêzgehê, Kolonêl Şekîb Ecwed Nasir bû fermandarê Hêzên Ewlehiya Hundirîn û Kolonêl Enwer Adil Ridwan bû sekreterê wî.