Di demên dewiyê de tevgera DAIŞ`ê li Herêmên Bakur û Rojhilatê Sûriyê zêde bûye.
Navenda Ragihandinê ya Hêzên Sûriye Demokratîk (QSD) bi daxuyaniyekê ragihand ku wan êrîşa çeteyên DAIŞ'ê ya li dijî bajarokê Behra Wista têk bir.
Di êrîşê de 5 şervanên QSD'ê şehîd bûn û yek jî birîndar bû
Pevçûnên giran qewimîn, di encamê de 5 şervanên QSD'ê şehîd bûn û yek jî birîndar bû.
Di daxuyaniyê de sersaxî ji malbatên şehîdan re hat xwestin, soza tolhildana wan û domandina têkoşînê hat dubarekirin.
Hêzên Ewlekariyê yên Dêra Zorê tedbîrên parastinê zêde kirine
Her wiha Rêveberiya Giştî ya Hêzên Ewlekariya Hundirîn a Kantona Dêra Zorê Mîralay Mehmûd El Hisên ragihand ku hêzên wan tedbîrên ewlehiyê zêdetir kirine û got: "Ji bo çeteyên DAIŞ'ê têk bibin bi domdarî dewriye tên meşandin.
Deriyên di navbera herêmên Bakur û Rojhilatê Sûriyê û herêmên Hikûmeta Veguhêz a Sûriyê de bi awayekî mezin tên kontrokirin, da ku şane ji valahiyên ewlehiyê sûdê wernegirin û nikaribin êrişan pêk bînin."
Mîralay Mehmûd El Hisên bi bîr xist ku çeteyên DAIŞ’ê dema rûxandina rejîma berê û vekişîna hêzên wê ji nuqteyên leşkerî yên li Dêrazorê, çeteyên DAIŞ'ê dest danîn ser çekan û bi wan çekan êrîşî Herêmên Bakur û Rojhilatê Sûriyê, bi taybetî kantona Dêrazorê dikin.
El Hisên destnîşan kir ku hêzên wan bi armanca parastina ewlehiya giştî û parastina welatiyan û milkên wan li her deverên kantonan bi cihbûne û bi giştî amade ne bersiva êrîşan bidin.
Mîralay El Hisên eşkere kir ku hêzên wan hejmarek şebeke û şaneyên çeteyên DAIŞ’ê ji hev xistine, gelek kes ji wan girtine û çekên navîn û sivik bi dest xistine.
Ji Rêveberiya Giştî ya Hêzên Ewlekariya Hundirîn a Kantona Dêrazorê Mîralay Mehmûd El Hisên di dawiya axaftina xwe de diyar kir ku Rêveberiya Xweser bi hemû pêkhateyên wê Ereb, Suryan, Kurd û Ermen her timî di têkoşîna li dijî şaneyên terorîst de hevkar in û soz da ku dê şerê li dijî DAIŞ’ê û parastina herêmê ji tevahî cureyên êrîşan bidomînin.