Navenda Ragihandin û Çapemeniyê ya HPG’ê bi daxuyaniyekê nasnameya 5 şehîdên çapemeniya azad ragihand.
HPG got: ``Qada çapemeniya azad a ku hevrêyê me yê damezrîner û kadroyê pêşeng ê Partiya me PKK’ê Mazlum Dogan bi derxistina Rojnameya Serxwebûnê da destpêkirin, bi kedeke mezin a Apê Mûsa ev qad mezin bû û di nava gelê Kurd de ronahiyeke mezin afirand.``
Li ser wî esasî ji bo pêşxistina hişmendiya li ser rastiyan, endamên hêja yên Navenda Ragihandin û Çapemeniyê ya Hêzên Parastina Gel (HPG-NRÇ) Hevrêyên me Aso, Şîlan, Tûfan, Azad û Firat di têgihiştina rastiya dijmin û têkbirina êrîşên şerê taybet de weke şervanên heqîqetê têkoşiyan.
Navenda Ragihandin û Çapemeniyê ya HPG’ê bi vî awayî behsa têkoşîna endamên çapemeniya azad dike:
Hevrêyên me Aso, Şîlan, Tûfan, Azad û Firat li hemberî eniya şerê taybet a dijmin li gel hemû zehmetiyan, bi afirîneriyeke mezin tu astengî nas nekirin û weke milîtanên fedaî yên Apoyî erka xwe bi cih anîn û gihîştin asta şehadetê.
Li gor daxuyaniya Navenda Ragihandin û Çapemeniyê ya HPG’ê nasnameya şehîdan wiha ne:
Cabbar Kerîmî bi nasnav Aso Baran li Merîwan ji dayîkbûye û di tebaxa 2014an de li Dersîmê şehîd bûye.
Dîlan Mavzer bi nasnav Şîlan Ezgî li Erdexan ji dayîkbûye û di 15ê tebaxa 2017an de li Zapê şehîd bûye.
Ûlaş Guven bi nasnav Tûfan Sefkan li Bûrsayê ji dayîkbûye û di 13ê cotmeha 2024`an de li Herêmên Parastinê yên Medyayê şehîd bûye.
Adil Farûk Gezîk bi nasnav Azad Serxwebûn li Riha yê ji dayîkbûye û di 29ê nîsana 2019an de li Garê şehîd bûye.
Mûslûm Aslan bi nasnav Firat Tolhildan li Riha yê ji dayîkbûye û di 24ê nîsana 2018an de li Avaşînê şehîd bûye.
