Du kolber di dema binçavkirinê de rastî îşkence û tecawizê hatin

Du welatiyên Kurd ên Îranî, Salah Bimarî (39) û Resûl Bimarî (48), ku di 15ê Gulanê de li ser sînorê Îranê li navçeya Şemzînanê ya Colemêrgê hatine binçavkirin û piştî sê rojan hatin girtin, hem di binçavan de û hem jî di girtîgehê de rastî îşkenceyê hatine.

Di 10ê Hezîranê de, parêzerekî ku bi muwekîlê xwe re hevdîtin pêk anî.

Di hevdîtinê de rewşa kolberan ji parêzer re tê parvekirin û piştî ku parêzer ji rewşa wan agahdar dibe daxwaza hevdîtinê bi wan re kir.

Daxwazên hevdîtinê yên hem vî parêzerî û hem jî yên parêzerên din ji aliyê rêveberiya girtîgehê ve bêyî ravekirinê, hatin redkirin.

Piştre parêzeran rewşê ji şaxên Komeleya Mafên Mirovan (ÎHD) û Komeleya Hiqûqnasên Azadiyê (OHD) ên Colemêrgê re ragihandin û bi israr serlêdana xwe berdewam kirin.

Di 22ê Hezîranê de, parêzeran bi kolberên ku îşkence li wan hatibû kirin re, hevdîtinê dikin.

Parêzer der barê îşkenceyê de ji herduyan jî beyanên nivîskî werdigrin.

Derket holê ku yek ji kolberên ku îfade daye Resul Bimarî, rastî tecawiz û îşkenceyê hatiye.

Li Qereqola Polîsan a Şemzînanê rastî îşkenceyeke giran hatine

Her du kolberên ku di 15ê Gulanê de hatine binçavkirin, di dema sê rojan de li Midûriyeta Polîsan a Şemzînanê rastî îşkenceyeke giran hatine.

Sê roj piştî îşkenceyê, di 18ê Gulanê de, kolber bi biryara girtinê birine Girtîgeha Colemêrgê.

Berî vê yekê, ew li beşa lezgîn a Nexweşxaneya Dewletê ya Colemêrgê hatine muayenekirin.

Lêbelê, di rapora muayeneyê de ti agahî li ser tecawizkirina Resul Bimarî bi cih nekirine.

Di dema îfaeyê de wergervan tune bûye

Ji aliyekî din ve, kolberên ku îfadeyên nivîskî dane ragihandin ku tevî ku bi Tirkî nizanin jî, di dema muayeneyê de îfadeyên wan nehatine girtin û hate hînbûn ku di dema muayeneyê de wergêr tune bûye.

Li gorî raporê, Resul Bimarî ku piştî giliyekî di 20ê Gulanê de dîsa dibin heman nexweşxaneyê, tê tespîtkirin ku rastî tecawizê hatiye.

Sedema ku îşkenceya ku tê gotin di rapora epîkrîzê ya 18ê Gulanê ya nexweşxaneya ku muayeneyê kiriye de cih negirtiye, bi wê yekê ve girê didin ku Resul Bimarî îşkence venegotiye.

Kolberan jî di daxuyaniyên xwe yên nivîskî de gotin ku ew heta nehatine muayene kirin jî.

Li girtîgehê êşkenceya polîsan

Ji aliyekî din ve, li gorî ku gardiyanên girtîgehê hin agahî dane parêzeran.

Li gorî ku gardiyan dibêjin du kesên ku xwe wek erkdarên îstîxbaratê didin nasîn, di tarîxên ku behsa wan tê kirin de hatine girtîgehê.

Ev kes bi şev Resul Bimarî û Salah Bimarî ji hucreyên wan derxistine û îşkence li wan kirine.

Derket holê ku dema ku gardiyan rewşê agahdar kirine, rêveberê girtîgehê ji wan re gotiye, "Bêdeng bin, destwerdanê nekin, em nikarin tiştekî bikin."

Rapora bijîşkî ya Beşa Lezgîn a Nexweşxaneya Dewletê ya Colemêrgê ya bi dîroka 18ê Gulana 2026an ku tê bi dest xistin, eşkere kiribû ku der barê tecawiz û îşkenceyê de, wekî ku di îfadeya Resul Bimarî de hatiye gotin, ti rapora bijîşkî nehatiye amadekirin.

Lêbelê, raporek ji heman nexweşxaneyê ya di dîroka 20ê de Gulanê piştrast kiriye ku tecawiz û îşkence çêbûye.