Bawername, li xwendekarên qonaxên xwendinê yên Seretayî, Navîn, Amadehî û xwendekarên dibistanên pîşeyî hatin belavkirin.
Her wiha diyariyên sembolîk li xwendekarên serkeftî hatin belavkirin.
Werza yekemîn a xwendinê ya sala 2025/2026ˊan di 25ˊê Çileyê de bi dawî bûbû.
Biryar bû ku, di navbera 20 û 25ˊê heman mehê de bawername li xwendekarên dibistanên herêma Cizîrê bihatana belavkirin.
Lê proseya belavkirinê, ji ber hewandina koçberên ku ji ber êrîşên komên Hikûmeta Veguhêz a Sûriyê neçar mane, ber bi herêmên ewle yên Rêvebriya Xweser biçin û li dibistanan werin bicihkirin, dereng ma.
