Duh Qesra Spî navên endamên Konseya Aştiyê ya ji bo Xezeyê, ku ji aliyê Serokê Amerîkayê Donald Trump hat damezrandin, eşkere kir.
Qesra Spî bi daxuyniyekê da zanîn ku Konseya Aştiyê ya ji bo Xezeyê ji endamên ku di dîplomasî, pêşkeftin û binesaziyê de pêk tê.
Endamên Konseya Aştiyê ya ji bo Xezeyê ev in:
Wezîrê Derve Marco Rubio, Steve Wittkopf, Jared Kushner, Tony Blair, Mark Rowan, Ajay Banga û Robert Gabriel.
Qesra Spî ragihand ku Nikolay Mladenov wê wekî Nûnerê Bilind ê Xezeyê be.
Di heman demê de, General Jasper Jeffers wekî fermandarê hêza ewlekariyê ya navneteweyî hat tayînkirin.
Aryeh Lightstone û Josh Greenbaum jî wekî şêwirmendên payebilind ên Konseya Aştiyê hatin tayînkirin.
Di heman demê de, ji bo piştgiriya rêveberiya rojane û pêşxistina aramî û xizmetguzariyan, ji bo Xezzeyê encûmenek rêveberiyê tê damezrandin.
Ev encûmen kesayetiyên navneteweyî û herêmî dihewîne, di nav wan de nûnerê Dewletên Yekbûyî yên Amerîkayê Steve Wittkopf, Jared Kushner, Wezîrê Derve yê Tirkiyê Hakan Fîdan, Hesen Reşad, Wezîr Reem El-Haşimî û Sigrid Kaag hene.
Daxuyaniyê pabendbûna tevahî ya Dewletên Yekbûyî yên Amerîkayê ji bo piştgiriya vê çarçoveya veguhêz û xebata bi hevkariya Îsraîl, dewletên Ereb û civaka navneteweyî piştrast kir.
Qesra Spî bang li hemû aliyan kir ku hevkariyê bikin da ku pêkanîna bilez û serketî ya planê misoger bikin, navên din jî dê di hefteyên pêş de werin ragihandin.
