Wezareta Karên Derve ya Amerîkayê îro di daxuyaniyekê de eşkere kir, sê mijarên sereke di peywendiya telefonî ya di navbera wezîrê derve Marco Rubio û serokwezîrê Iraqê Mihemed Şîaa Sûdanî de hatine nirxandin, ew jî mûçeyên karmendên hikûmeta Herêma Başûrê Kurdistanê, dubare destpêkirina hinardekirina petrolê û kêmkirina bandora Îranê li ser Iraqê bûn.
Marco Rubio bal kişand ser pêwîstiya girtina tedbîran da ku êrîş li Iraqê di pêşerojê de dubare nebin.
Rubio got ku gelekî giring e mûçeyên karmendên Herêmê bêne dayîn û ev yek jî anî ziman ku destpêkirina hinardekirina petrolê dê bi rêya boriya Iraq û Tirkiyeyê çêbibe.