Serokê Parlamentoya Îranê Mihemed Baqir Qalîbaf, li ser agirbesta di navbera Libnan û Îsraîlê de, li ser hesabê xwe yê X`ê peyamek belav kir.
Mihemed Baqir Qalîbaf, ragihand ku ew dê bi hişyarî, danûstanan ligel agirbesta di navbera Libnan û Îsraîlê de bikin.
Serokê Parlamentoya Îranê Mihemed Baqir Qalîbaf, anî ziman ku ew ê heta bidestxistina serkeftineke temam û yekgirtî bimînin.
Qalîbaf, diyar kir ku agirbest tenê encama berxwedana Hizbulahê û yekrêziya Bereya Berxwedanê ye.
Serokê Parlamentoya Îranê, destnîşan kir ku wan ji bo misogerkirina agirbestê hewlên mezin dane.
Serokê Amerîkayê Donald Trump, li ser hesabê xwe yê Truth Social daxuyaniyek belav kiribû.
Trump gotibû ku wî bi Serokê Libnanê û Serokwezîrê Îsraîlê Benjamin Netanyahu re dan û standineke gelekî baş kiriye.
Li gorî daxuyaniya Trump, her du aliyan li ser agirbestekê li hev kirine.
Agirbesta 10 rojî ya di navbera Tel Evîv û Beyrûtê de di demekê de pêk hat ku "Pêvajoya Îslamabadê" ya ji bo aştiya di navbera Amerîka û Îranê de, rû bi rûyî astengiyan bûbû.
Tehranê, berê Washington bi wê yekê tohmetbar kiribû ku ew dixwaze şerê li Libnanê bidome.
Lê ragihandina vê agirbestê wekî serkeftineke dîplomatîk a birêvebiriya Trump tê dîtin.
