Ofîsa Serokwezîrê Iraqê, ragihand ku civînek di navbera Serokwezîr Mihemed Şiya Sûdanî û Sekreterê Giştî yê Meclisa Bilind a Ewlehiya Neteweyî ya Îranê Elî Larîcanî de, hat lidarxistin.
Di civînê de, peymanek ewlekariyê ya li ser sînorên hevpar, di navbera Iraq û Îranê de, hat îmzekirin û Iraqê piştgiriya xwe li hember gotubêjên di navbera Îran û Amerîkayê de nîşan da.
Ji aliyê xwe ve jî, Endamê Kongresa Amerîkî Joe Wilson, ev peyman rexne kir û diyar kir ku Hikûmeta Iraqê hewl dide bi riya vê peymanê kontrola tevahiya Iraqê bi awayekî fermî, têxe destê milîsên Îranê.
