Hêzeke Îsraîlê bi wesayîtên leşkerî careke din derbasî gundewarên rojavayê Derayê û başûrê Quneytrayê bûn û xalên kontrolê danîn.
Ajansa Hawarê ragihand ku 6 wesayîtên leşkerî yên Îsraîlê ketin gundê Seyda El Colan ê gundewarê başûrê Quneytîrayê, paşê ber bi gundê Hanût ve vekişîn û ketin baregeha xwe ya li Til El Secî.
Hate eşkerekirin ku ev hêza leşkerî ji 24 wesayîtan pêk dihat.
Her wiha wan bendeke leşkerî di navbera gundên Eyn Zeker û El Meqrez ên gundewarê rojavayê Derayê de danî.
Di vê dawiyê de, hêzên Îsraîlê bi awayekî leşkerî derbasî başûrê Sûriyê dibin, li asîmên jî gera balafirên şer û Helîkopteran heye.
