Rahênerê taxima Real Madrîd yê nû Alvaro Arbeloa di destpêka sala 2026'an de dest bi kar kiribû, lê heya niha performansa ku jê dihat hêvîkirin nîşan nedaye.
Ji ber vê yekê di pêşbirka şampiyoniyê de heya niha li du Barcelone ye.
Tîm di pêşbirkên din de jî rastî hin paşketinên mezin hat û ev yek zexta alîgir û medyayê li ser rêveberiyê zêde kir da ku biryarê li ser pêşeroja rahênerê ciwan bidin.
Guman li ser berdewamiya rahênerê Spanî heye
Di derbarê vê mijarê de, rêveberiya klûbê bi serokatiya Florentino Perez, dest bi lêkolîna çend vebijarkan kiriye da ku ji bo demsala bê rêberekî nû ji tîmê re peyda bikin.
Navê rahênerê Alman Jurgen Klopp wekî yek ji namzedên sereke derdikeve pêş, bi taybet piştî çûyîna wî ji Liverpoolê di havîna 2024'an de û navberdana wî ya demkî ji rahêneriyê re.
Di lîsteya namzedên potansiyel de rahênerên pir profesyonel (tecrûbir) ên wekî Massimiliano Allegri yê Îtalî, rêveberê AC Milan û Spanî Unai Emery, rêveberê Aston Villa û hwd. hene.
Armanca Perez ew e ku Zidane vegere
Tevî gelek vebijarkan, xewna herî mezin a Perez ew e ku efsaneya klûbê Zidane vegerîne Santiago Bernabeu.
Zidane bi Real Madrid re rekordek bêhempa bi dest xistibû. Du serdemên berê rêberiya tîmê dikir û gelek sernav bi dest xisti bû.
