Real Madridê roja Înê di daxuyaniyeke fermî de wiha got:
"Real Madrid û David Alaba li hev kirin ku di dawiya sezonê de ji tîmê veqete."
Real Madrid teqdîra xwe ji bo lîstikvan diyar dike, ku beşek ji tîme bû û yek ji serdemên herî serketî yên dîroka xwe jiya kir.
Alaba di 5 sezonan de di 131 maçan de forma Real Madridê li xwe kir û 11 şampiyonî qezenc kirin.
Şampiyoniyên ku Alaba qezenc kirine
Du caran Lîga Şampiyonan
Du caran Kûpaya Cîhanê ya Klûban
Du caran Kûpaya Superê ya Ewropayê
Du caran şampiyoniya Lîga Spanyayê
Carekê Kûpaya Qralê Spanyayê
Du caran Kûpaya Super a Spanyayê
Serokê Real Madridê Florentino Perez jî li gorî daxuyaniyê wiha axivî:
"Alaba evîna hemû alîgirên Real Madridê ji bo fedakarî û xebata xwe, di rêwîtiya me ya ber bi şampiyoniya 14'emîn a Lîga Şampiyonan de, ku sembola pîrozbahiya serketinê bû û niha bûye beşek ji dîroka klûba me, bi xwe re tîne.
Real Madrid wê her tim mala wî be."
Daxuyanî wiha bi dawî bû: "Real Madrid di vê qonaxa nû ya jiyana David Alaba û malbata wî de her tiştê çêtirîn dixwaze.
Her wiha îro di maça dawî ya lîgê ya tîma me ya sezonê de li hemberî Athletic Bilbaoyê merasîmeke xatirxwestinê ji bo wî li Stadyuma Santiago Bernabeu dê were lidarxistin."
