Hevserokê Giştî yê DEM Partiyê Tuncer Bakirhan, îdiayên derbarê bazara hilbijartinê ya bi AK Partiyê re red kirin û diyar kir ku di pênc hilbijartinên dawî de wan piştgirî daye namzedên mixalefetê.
Bakirhan hişyarî da ku perçebûna opozîsyonê desthilatê xurtir dike û ji bo serkeftina pêvajoyê banga cîbicîkirina biryarên DMME'ê û rawestandina operasyonên li ser şaredariyan kir.
Her wiha tekez kir ku Abdullah Ocalan muxatabê sereke yê çareseriyê ye û baştirkirina mercên wî yên li Îmraliyê ji bo pêvajoyê pêwîst e. Bakirhan destnîşan kir ku ew ê tenê piştgiriyê bidin destûreke nû ya azadîxwaz ku mafên Kurdan û Elewiyan tê de mîsoger be.
