Piştî ku şaredarê CHP'ê yê navçeya Menderes a Îzmîrê Îlkay Çîçek hat girtin û ji kar hat dûrxistin, hilbijartinên ji bo şaredarê demkî yê Menderesê pêk hatin. Piştî bidawîbûna hilbijartinan, namzeta Tifaqa Cumhurê Asuman Şen hat hilbijartin.
Asûman Şen, bi bidestxistina 15 dengan di tûra çarem de bi ser ket.
Namzetê Partiya YENÎ’yê Bariş Gursoy 12 deng wergirtin û dengek jî wekî nederbasdar hat ragihandin.
Şaredarê CHP'ê yê Menderesê, Îlkay Çîçek, 4'ê Tebaxê hatibû binçavkirin û piştre di çarçoveya lêpirsîneke berdewam de hat girtin.
Çîçek di 8'ê Tebaxê de ji aliyê Wezareta Karên Hundir a Tirkiyê ve ji kar hat rawestandin û 10'ê Tebaxê ji CHP'ê hat derxistin.
© 2026 – NÛÇE TV Hemû maf parastî ne. Nûçe Rastî ye