Gava yekem a pratîkî di pêvajoya çareseriya Pirsgirêka Kurdî de dest pê dike.
Zagona ku ji bo çareseriya Pirsgirêka Kurdî hatibû amadekirin û di nav raya giştî de wekî 'Qanûna Çarçoveyî' tê nasîn, yanî 'Xurtkirina hevgirtina neteweyî û yekparebûna civakî ye", di parlamentoyê de hatibû erêkirin û di Rojnameya Fermî de hatibû weşandin.
Li gorî agahiyên ku di kanala N TV’yê de hatine belavkirin, Lijneya Şopandin û Nirxandinê ku dê proseya çareseriyê bişopîne, roja duşemê bi serokatiya Cîgirê Serokkomar Cevdet Yilmaz bo cara yekem dicive.
Di vê civînê de beriya her tiştî rêzik, hejmara bin komîsyon û qadên wan ên berpirsyariyê dê bên diyarkirin.
Erka Komîsyona Yekem: Radestkirina çekan û piştrastkirin e
Komisyona yekem û herî krîtîk dê li ser berhevkirina çekan û piştrastkirina li ser erdê bixebite.
Di vê tîma teknîkî de ku ji nûnerên MÎT, Wezareta Navxwe û Wezareta Parastinê pêk tê, dê hemû qeydên çek, mûhîmmat û teqemeniyan li ku derê û bi çi rêbazî bên teslîmkirin bên girtin.
Komîsyona duyem û herî kirîtik jî bi navê "Koma Îhtîsasê ya Edlî" tê avakirin.
Rayedarên Wezareta Edaletê, dadwer û dozger dê li ser dosyeyên kesên ku vedigerin bixebitin û wan li gorî statuya wan a hiqûqî dabeş bikin.
Li kêleka vê, komîsyon dê bi piştgiriya psîkolog û pisporên tenduristiyê ji bo entegrasyona civakî bixebite.
Ji bo serlêdanê 6 meh dem heye!
Ji ber ku heyama sûdwergirtina ji vê yasayê 6 meh e, tîmeke taybet dê pergala fermî ya serlêdan û qeydkirinê jî ava bike da ku hemû prose bi awayekî zagonî û bêasteng bimeşe.
Qanûna Çarçoveyî ya “Xurtkirina hevgirtina neteweyî û yekparebûna civakî” ku ji 12 xalan pêk tê, di Lijneya Giştî ya Parlementoya Tirkiyê de bi 467 dengên erê hatibû qebûlkirin.
