Siyasetmedarê Kurd Osman Baydemîr duh derbasî Rojavayê Kurdustanê bû.
Baydemîr destpêkê serdana navenda Partiya Yekitiya Demokratîk (PYD) ya li bajarê Qamişlo kir.
Li navenda partiyê Hevserokên PYD`ê Xerîb Hiso û Perwîn Yûsif siyasetmedar Osman Baydemîr pêşwazî kirin.
Siyasetmedarê Kurd Osman Baydemîr ji bo keda xelkên herêma Bakur û Rojhilatê Sûriyê axivî û got: "Her kesê ji bo azadî û aramiya axa xwe, têkoşiyan e, canê xwe feda kirin ez ji dil û can weke hevalekî Kurd wan spas dikim.
“Hêviya me Enqere bi Rojava re jî têkiliyên xwe baş bike”
Baydemîr peywendiyên bihêz ên bazirganî, siyasî yên Enqere û Başûrê Kurdistanê bi bîr xist û diyar kir ew hêvî dike heman peywendî bi Rojavayê Kurdistanê werin kirin.
Baydemîr: Dîrok xwe dubare dike lê Kurd xwe dubare nekin
Siyasetmedarê Kurd Osman Baydemîr di dawiya axaftinên xwe de li ser plan û komployên di salên 1920’an de li ser Kurdan hatin meşandin sekinî û wiha lê zêde kir: "Bi kurt û kurmancî dîrok xwe dubare dike. Divê em Kurd xwe dubare nekin. Divê em bi hişmendiya salên 1920’an tev negerin. Em hay ji xwe hebin û hay ji hev hebin."
Hevserokên PYD’ê jî ji bo keda wan a di şoreşa Bakur û Rojhilatê Sûriyê de spasiya gelê Bakur kir.
Osman Baydemîr wê serdanên xwe yên li herêmê bidomîne.
