Dayikên Aştiyê: Divê mafê hêviyê ji bo Rêber Apo were bicihanîn

Dayikên Aştiyê biryara Komîteya Wezîran a Konseya Ewropayê ya li ser mafê hêviyê rexne kirin û gotin: "Bila gaveke zelal bavêjin, biryareke guncaw bidin. Divê demildest 'mafê hêviyê' were bicihanîn."

 Li Mêrdînê, li bin pankarta “Dengê Dayîkên Mêrdînê, hêviya Îmraliyê ye!” dayika Aştiyê Halîme Kaya axivî û wiha got: “Em ji bo azadiya Serok li vir in. 

Ger Serok azad bibe, ciwan, jin, gel azad dibin. Ger Serok azad bibe, xwîn nayê rijandin û aşitî tê cîhanê. 

Em weke Dayikên Aşitiyê, azadiya xwe di azadiya Serokê xwe de dibînin.

 Halîme Kaya diyar kir ku Mifteya aştiyê di destê Birêz Ocalan de ye û got:

 Êdî bes e, bila kes nemire. Bila êdî hêsrên dayikan neyên”