Ev serdan bi serokatiya endamê Parlamentoya Awistralyayê David Shoebridge pêk hat.
Li navenda Daîreya Têkiliyên Derve ya Rêveberiya Xweser a Bakur û Rojhilatê Sûriyê, şande ji aliyê hevserokê Daîreyê, Fener El Kiêt û cîgirê hevserokatiya Daîreyê, Robêl Beho û Gulistan Elî hat pêşwazîkirin.
Di hevdîtinê de, rewşa Sûriyê bi giştî û tecrûbeya Rêvberiya Xweser û rola jinan di saziyên sivîl û leşkerî de hat nîqaşkirin.
Her du aliyan bal kişandin ser girîngiya çareseriya siyasî û pêkanîna peymana 10ê Adarê û misogerkirina mafê tevahî pêkhateyan bi taybet jî mafê jinê.
Shoebride tecrûbeya Rêvberiya Xweser silav kir û diyar kir ku Hêzên Sûriye Demokratîk roleke sereke di têkbirina DAIŞ'ê de lîstiye.