Li Marsîlyayê bi beşdariya Îlham Ehmed civîna gel hat lidarxistin

Li bajarê Marsîlya yê Fransayê bi beşdariya Hevseroka a Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Îlham Ehmed civîna gel hate lidarxistin.

  Civîn li salona Place des Rosesê hate lidarxistin û bi sedan kes ji Marsîlya û bajarên derdorê beşdarî civînê bûn.

 Piştî rêzgirtina ji bo bîranîna Şehîdên Azadiya Kurdistanê, Îlham Ehmed axaftinek kir.

Îlham Ehmed bal kişand ser destketiyên Şoreşa Rojava û yekîtiya neteweyî ya Kurd û diyar kir ku nêrînên cuda dewlemendiyek e û wiha berdewamî da axaftian xwe:

 ``Divê di navbera hemû partiyên Kurd de ruhê xwişk û biratiyê were avakirin.

Em li dijî projeyên parçekirinê ne û em girêdayî Peymana 10ê Adarê ne.

 Pêşeroja Sûriyeyê bi çarçoveyeke destûrî ku gel dikarin bi wekhevî û edaletê bi hev re bijîn, mimkun e.”

Îlham Ehmed: Bi entegrasyonê re jiyana bi hev re mimkun e

 Di civînê de, proseya di navbera Tirkiye û PKK’ê û dînamîkên ewlehiyê yên herêmê jî hatin nîqaşkirin.

  Hevseroka a Daîreya Têkiliyên Derve destnîşan kir ku her çend Tirkiye car caran helwestên çêker nîşan bide jî, operasyonên leşkerî aramiyê tehdît dikin û ewlehiya sivîlan dixe metirsiyê.

  Îlham Ehmed li hemberî îdiayên ku Bakur û Rojhilatê Sûriyeyê bi PKK’ê ve tê girêdan, wiha bersiv da:

 “Yên ku me bi PKK’ê ve girê didin, bi temamî şaş e. PKK li Bakur û Rojhilatê Sûriyeyê çalakî nake.”

   Hevseroka Têkiliyên Derve ya Rêveberiya Xweser a Demokratîk a Bakur û Rojhilatê Sûriyeyê Îlham Ehmed baweriya xwe ya bi rêyên çareseriya aştiyane jî anî ziman û diyar kir ku bi entegrasyonê re jiyana bi hev re ya hemû gelan mimkun e.