Di daxuyaniyeke nivîskî de, Rêveberiya Xweser a Bakur û Rojhilatê Sûriyê, ew êrîş şermezar kir û eşkere kir ku li gundê Um Tîna yê Dêr Hafirê li rojhilatê Helebê, malên sivîlan hedef hatine girtin û komkujiyek hatiye kirin.
Rêveberiyê bang li civaka navneteweyî kir ku bi berpirsiyariya xwe rabe û daxwaz kir ku sûcdar û encmaderên komkujiyê bêne cezakirin.
Rêveberiya Xweser da xuyakirin ku Sûriyê di demeke hestiyar re derbas dibe û pêwîstiya wê bi ked û hêza tevahiya aliyan heye, da ku siberojeke ewle û aram ji xwe re ava bike, lê ev komkujî nesamîmiyeta hinek alîyan derbarê avakirina Sûriyê de nîşan dide.