Parêzgarê herêmî yê herêma Xersonê ya di bin kontrola Rûsyayê de Vladîmîr Saldo, diyar kir ku dronên Kîev, li ser rêya di navbera bajarên Zavodivka û Gornostaevka de, erebeyên sivîl armanc girtin û di encamê de, 4 kes hatin kuştin.
Bi vê yekê Vladîmîr Saldo, Ûkrayna tawanbar kir ku bi zanebûn sivîlan hedef digire.
Li aliyeke din, Wezareta Parastinê ya Rûsyayê, da xuyakirin ku roja yekşem û duşemê, hêzên wan her du bajarokên Kuzminovka û Otradnoye li Donetsk û Xarkîvê kontrol kirine.
Wezareta eşkere kir ku hêzên Ûkraynayê li her du eniyan 290 leşker û hejmarek alavên leşkerî winda kirine. Her wiha stasyoneke şerê elektronîk, du depoyên cebilxaneyê û 5 depoyên lojîstîkê jî hatin wêrankirin.