Şerê Rusya û Ûkraniya rojane aloztir dibe. Di heman demê de hejmara kuştî û birîndaran ya herdu aliyan bilindtir dibe.
Rayedarên Ûkrayanyê ragihandin ku hêzên Rûsyayê şeva borî bi dronan li santralên enerjiyê yên Khmelnytskyi (XMELNYTSKYI) û Rivne xistin û 7 kes hatin kuştin gelek avahiyên sivîlan jî, zirar dîtine.
Wezîrê Karên Derve yê Ukraynayê Andriy Sybiha diyar kir ku êriş ne ketober bûn, lê bi plan hatine pêkanîn.
Li Ûkraniya ji ber binpêkirinên qanûnên leşkerî fermandarek hat girtin
Hate ragihandin ku di kombûneke merasîmê ku bi serkêşiya fermandarê artêşê Ûkraniya pêk hatibû, di wê demê de hêzên Rûsyayê bi êrîşên hawayî hedef girt.
Dadgehek li bajarê pîşesaziyê yê Dniproyê fermana girtina wî fermandarê Ûkranî da.
Ji ber ku fermandar derveyî qanûna leşkerî tevgeriyaye û nêzîkî 100 leşkerî ji bo merasîmekî kom kiriye.
Leşkerên Ukraynî ji xarkîvê direvin
Karbidestên ewlehiyê yên Rûsyayê ji ajansa TASS re gotin ku di çend demjimêrên borî de li herêma Xarkîvê heşt leşkerên Ûkraynî teslîm bûn.
Berovajî wê, Serfermandariya Giştî ya Hêzên Çekdar ên Ûkraniya li ser rûpela xwe ya Facebookê encama şer a ji 24ê Sibata 2022an heta 9ê mijdara 2025 eşeker kir.
Li gor wê:
Hejmara qurbaniyên Rûsyayê di 3 salan de gihîştiye mîlyonek 151 hezar û 70 kesî.
Di nav de 970 kes di 24 demjimêrên borî de hatine kuştin an birîndar bûne.
Li gorî daxuyaniyê, hêzên Ukranaya yê 11,335 tank, 23,545 wesayîtên şer ên zirxî, 34,340 pergalên topan, 1,538 pergalên roketên duravêj 1,239 pergalên parastina hewayî ji holê rakirine.
Di daxuyaniyê de hat gotin ku 428 balafirên şer, 347 helîkopter, 79 hezar û 368 drone, 3 hezar û 926 fuzeyên krûz, 28 keştîyên şer, binavîyek, 66 hezar û 880 wesayît û tankên sotemeniyê û 3 hezar û 993 yekîneyên alavên taybet jî hatine îmhakirin.
Wezîrê Derve yê Rûsyayê Sergey Lavrov got ku ew amade ye bi hevkarê xwe yê Amerîkî Marco Rubio re bicive, lê divê berjewendiyên Moskowê werin berçavbigirin da ku aştî li Ukraynayê pêk were.
Stoltenberg hûrgiliyên daxwaza redkirî ya Zelensky eşkere kir
Ji aliyeke din Sekreterê Natoyê Jens Stoltenberg diyar kir ku ji bo ew bi Rûsyayê re nekevin şerekî yekser nikarin daxwaza Ûkraynayê ku dibêje qada hewayî ya bajarê wan ji balafirên Rûsyayê re bigrin.
