Fermandarê Hêzên Ewlekariya Hundirîn (Asayîşê) Mehmûd Xelîl( Siyamend Efrîn ) serdana kampa koçberên Serê Kaniyê ya li bajarê Hesekê kir.
Siyamend Efrîn, bi endamên Komîteya Koçberên Serê Kaniyê û Meclisa Kampa Serê Kaniyê civiya.
Di civînê de li ser rewşa Serê Kaniyê û dosyaya vegera koçberan hat nîqaşkirin.
Her wiha hate gotin ku divê vegera koçberan bi ewle be û li Serê Kaniyê aramî û ewlehî çêbibe.
Di civînê de dan zanîn ku divê aliyên li ser vegera ewle ya koçberên Serê Kaniyê dixebitin, her tim di nava dan û standinê de bin.
