Tîmên rêveberiya daristanan a heremî û helîkopterek her çiqesî hewl didin agir vemirîne ji ber hewayê zêde yê germ û bayê bi lez şewat nayê kontrol kirin.
Karmendekî AFAD`ê diyar kir ku agir li qadeke zêdetirî 80 donim erd belav bûye û di xebatên vemirandinê de, Midûriyeta Daristanan a Şemzînanê, AFAD û gundî beşdar bûne.
Wesayîtên agirkujiyê ji ber şert û mercên erdê nikarin mudaxele bikin. Dema ku ekîb û gundî bi derfetên xwe yên heyî jî mudaxele dikin ji bo vemirandina agir têre nake.
Karmendên Daîreya Daristanan hewl didin ku xêzekê paqij bikin, Agir ji beşa jêrîn a gund ber bi jor ve diçe. Hewildanên vemirandina agir li nêzîkî gund ji bo pêşîgirtina li zirara li malan berdewam dikin.
