Di çarçoveya rêzecivînên fermî de yên ji bo şopandina rewşa xizmetguzarî û îdarî yên li Parêzgeha Hesekê, parêzgar Nûredîn Ehmed di 2 rojên borî de li Şamê bi wezîr û berpirsên Hikûmeta Veguhêz a Sûriyê re civîn li dar xistin.
Di civînan de, xurtkirina hevkariya di navbera saziyên navendî û herêmî de û pêşxistina xizmetên bingehîn hatin gotûbêjkirin.
Ehmed, bi Wezîra Kar û Barên Civakî û Kar a Hikûmetê, Hind Qebawat re li ser girîngiya pêşxistina hevkariya di navbera saziyên têkildar de û zêdekirina hewldanên hevkariyê di navbera saziyên cuda de nîqaş kir.
Her du aliyan entegrekirina karmendan a di nav rêveberiyê de û mijarên rêxistinî û îdarî yên têkildarî kar û rêbazên baştirkirina kargeriya saziyên li Hesekê, nîqaş kirin.
Her wiha Parêzgar bi rêveberê giştî yê Saziya Postayê ya Sûriyê Îmadeddîn Hemed re civiya û xebatên Ofîsa Postayê ya Hesekê û xizmetên wê nirxandin.
Parêzgarê Hesekê, bi Wezîrê Darayî Mihemed Yasir Berniyê re jî çalakkirina xizmetên darayî û piştgiriya aramî û pêşketinê nîqaş kir.
Di hevdîtinê de, mijara ji nû ve vekirina rêveberiyên darayî li Hesekê û ji nû ve çalakkirina xebatên şaxên bankên dewletê, bi taybetî Banka Çandiniyê, hat nirxandin.
