Ajansa Nûçeyan a Filistînî WAFA ragihand ku vê sibehê, bi tenê li navenda bajarê Xezeyê 27 kes di gulebaran û topbarana Artêşa Îsraîlê de hatine kuştin û li navçeyên nêzîkî Xezeyê jî, 24 kesên din hatine kuştin.
Ev di demekê de tê ku Serokê Amerîkayê Donald Trump hewil dide şer rawestîne.
Trump li ser Truth Social got: "Ji bo ku lihevkirinek çêbibe, ev çar roj in dan û standinên dijwar didomin û heta ku pêwîst be wê berdewam bikin."
Berî çend rojan, Trump bi serokên çend welatên Ereb û Misliman re civiyabû, duh jî geşbîniya xwe anîbû ziman û diyar kiribû ku di demeke nêzîk de wê peymanek bê îmzekirin.
