Hêzên Îsraîlê gelek deverên li Xezeyê bombebaran kir, di êrîşê de 2 kes hatin kuştin û gelek kes jî birîndar bûn.
Çavkaniyên bijîşkî yên herêmî ragihandin ku îro Artêşa Îsraîlê taxa rojhilatê Şuca'iyya li bajarê Xezeyê bombebaran kiriye, her wiha ji ber gulebarana artêşa Îsraîlê li taxa el-Tuffah a li rojhilatê bajarê Xezeyê 2 kes mirin û gelek kes jî birîndar bûn.
Artêşa Îsraîlê paşê di daxuyaniyekê de ragihand ku li Şuca'iyeyê gule li çekdarên ku Xeta Zer derbas kirine reşandiye.
Her wiha Saziya Parastina Sivîl a li Xezeyê diyar kir ku duh di êrîşên hewayî yên Îsraîlê de herî kêm 45 kes hatin kuştin.
© 2026 – NÛÇE TV Hemû maf parastî ne. Nûçe Rastî ye