Îro destê sibehê li sînorê navçeya Xaneqînê, bi taybetî li bajarokê Celawlayê, karesatek mezin rû da. Ji ber sedemek nehat naskirin agir bi malekî ket ku di wê demê de dayik û sê zarokên xwe di hundir de bûn. Di encama vê şewata dijwar de, her sê zarokên di hundirê malê de li cihê bûyerê jiyana xwe ji dest dan. Dayika ku hewla rizgarkirina zarokên xwe dida, ji ber bandora agir bi giranî birîndar bû. Li gorî zanyariyên herêmî, piştî destwerdana cîranan û tîmên hawarçûnê, dayika birîndar bi lezgînî hat rakirin nexweşxaneyê û niha di bin çavdêriya tund a bijîşkan de tê ragirtin.
Li aliyê din, aliyên peywendîdar li ser sedema derketina şewatê û hûrgiliyên bûyerê lêkolînên xwe dest pê kirine.
