Li Tirkiyê qetilkirina jinan roj bi roj zêdetir dibe êdî qetilkirina jinan ne wekî kiryarên tundûtûjiyê yên takekesî, weke sûcên pilankirî têne hesibandin.
Li taxa Çilek a navçeya Akdenîzê ya Mersînê, Songul Figan ji aliyê Selami Aktekin ve hat qetilkirin.
Hat zanîn ku Songul Figan dayika du zarokane û demek dirêj bû, rastî şîdetê dihat.
Ji ber şîdeta zêde ji hevjînê xwe veqetiyaye û li mala xwîşka xwe ya ku çûbû zarokên xwe bibîne, ji aliyê Selami Aktekin ve hatiye qetilkirin.
Hat ragihandin ku sûcdar reviyaye û lêpirsîn hatiye destpêkirin.
Her wiha hat zanîn ku Bekîr Aktekin, xizmekî sûcdar, par hevjîna xwe Seher Aktekin kuştiye û ji ber vê yekê cezayê muebbetê wergirtiye.
Xizmên Songul Figan diyar kirin ku wê berê gotibû, "Ez ê mîna Seher Aktekin werim kuştin."
"Em ê ji bo jinên hatin qetilkirin hesab bixwazin"
Komeleya Jinên Mîmoza bi daxuyaniyekê li ser hesabên xwe yên medyaya civakî bertek nîşanî bûyerê da.
Di daxuyaniyê de wiha hat gotin:
"Em ê pêvajoyê bişopînin û hesab bipirsin heta ku edalet ji bo Songul Figan pêk were.
Em ê dev ji têkoşîna li dijî baviksalarî, nijadperestî,
edaleta zayendîperest û siyaseta bêcezatiyê bernedin!
Tundiya mêran a ku mafê jiyanê ji jinan distîne ne tesadufî ye, siyasî ye!
Dewlet, bi polîtîkayên xwe yên ku sûcdar û malbatê pesnê xwe didin, mêran diparêze, ne jinan!
Em ê ji bo jinên ku hatine kuştin hesab bipirsin."
