Bajarê El Faşer ji aliyê Hêzên Piştgiriya Lezgîn ve di bin dorpêçê de ye, ku hewl didin keleha dawî ya artêşê li Darfûrê bixin bin kontrola xwe.
Dorpêçkirin bûye sedema birçîbûn û nexweşiyan li bajêr û êrîşên bênavber ên bi dron û topan navendên koçberiyê, mizgeft, nexweşxane û klînîkan kirine hedef.
Koordînasyona Komîteyên Berxwedanê ya El Faşer roja Şemiyê di daxuyaniyekê de got: "Milîsên Hêzên Piştgiriya Lezgîn duh û îro sibehê li navenda stargehê ya Dar El Erqam û Zanîngeha Îslamî ya Omdurmanê bombe kir û bi dehan sivîl kuştin."
Di daxuyaniyê de hat destnîşankirin ku "Navend du caran bi dronan û heşt caran jî bi topan hatiye bombebarankirin. Cenazeyên kuştiyan hîn jî di bin kavilan de ne û yên din jî di nav karwanên stargehê de dişewitin."