Êrîşên Pakistanê yên li ser sînorê bi Efxanistanê re aloziyan kûrtir dikin.
Pakistanê sibeha roja duşemê ragihand ku li ser sînorê xwe yê bi Efxanistanê re operasyoneke ewlehiyê ya li ser bingeha îstîxbaratê da destpêkirin.
Pakistanê diyar kir ku piştre wê êrîşên hewayî li ser cihên ku ew wekî "veşargeh û penagehên çekdaran" di nav axa Efxanistanê de bi nav dikin, pêk aniye.
Ji aliyekî, Wezîrê Ragihandinê yê Pakistanê Attaullah Tarar got ku hêzên Pakistanî êrîşên "durist" li sê cihan li parêzgehên rojhilatê Efxanistanê yên Paktiya, Paktika û Kunarê pêk anîne û piştrast kir ku 25 çekdar jî mirine.
Ji aliyekî din jî, Berdevkê Talîbanê Zebîhullah Mucahîd got ku êrîşên hewayî yên Pakistanê li ser hesî parêzgehan, bi dehan sivîl kuştin û birîndar kirin.
Her wiha Zebîhullah Mucahîd êrîş wekî "kiryareke êrîşkar a tirsonek" bi nav kir.
Hikûmeta Talîbanê: Di encama êrîşên Pakistanê de 36 kes hatin kuştin
Hikûmeta Talîbanê li Efxanstanê jî ragihand ku di encama êrîşên şevê yên Pakistanê de 36 kes hatine kuştin û 163 kesên din jî birîndar bûne.
Rayedarên Efxanistanê hejmara rastîn a qurbaniyan nedane û ti şîroveyeke serbixwe tune ye ku herdu raporên encamên êrîşan piştrast bike an red bike.
Ev alozî di demekê de tê ku sînorê di navbera Pakistan û Afganistanê de gelek caran rageşiyên ewlehiyê lê çêbû ne.
Ev yek jî dige vê yekê ye ku herdu alî jî di derbarê çalakiyên komên çekdar ên ku li her du aliyan dixebitin, tohmetan li hev dikin.
