Berpirsên Hikûmeta Pakistanê ragihandin ku li nêzî sînorê hevbeş ê Pakistan bi Efxanistanê re, dengê 4 teqînên bi hêz hatin bihistin, lê heya niha tu daxuyaniyeke fermî derbarê sedema wan teqînan de nehatiye dayîn.
Lê çavkaniyên xwecihî yên nêzîkî sînor dibêjin ku balafirên şer ên Pakistanê 4 xanî bombebaran kirin û di encamê de, 24 sivîl hatin kuştin.
Du berpirsên Pakistanî ku nexwestin navên xwe eşkere bikin, destnîşan kirin ku berpirsên Pakistanê rastiyê nabêjin û balafirên şer cihên çekên çekdaran hedef girtine.
Piştî ku ev bûyer qewimî, 2 hezar kes li bajarokekî nêzîkî cihê bûyerê kom bûn û li dijî êrîşan nerazîbûna xwe nîşan dan.
