Perû welatekî serbixwe ye ku li Amerîkaya Başûr e. Niha li Perûyê hilbijartina serokê dewletê di rojevê de ye.
Nêzî 27 mîlyon hilbijêr, ji bo diyarkirina serokê dewletê û endamên parlamenê çûn ser sindoqan.
Li gorî rapirsan, di hilbijartina ku 35 namzed tê de ne, ti kes ji %15'an derbas nabe, ev yek jî nîşan dide ku gera duyemîn a di 7'ê Pûşperê de hema hema neçarî ye.
Bi vê hilbijartinê re, li Perûyê ji sala 1990'î û vir ve cara yekem e ku vegera ser parlamena du-parlamenî jî pêk tê.
Di 10 salên dawî de li Perûyê zêdetirî 8 serokan erk girt û piraniya wan ji erkê hatin dûrxistin.
Ev rewş bû sedem ku baweriya li hemberî pergala siyasî bi awayekî cidî biheje.
Li gorî rapirsan, piraniya gel baweriya xwe bi hikûmet û parlamenê nîn e.
Skandalên gendeliyê û tawanbariyên li dijî siyasetmedaran jî bandorê li atmosfera hilbijartinê dike.
Mijara herî girîng a rojeva hilbijêran, zêdebûna rêjeya sûcan e. Di salên dawî de bûyerên kuştin û diziyê zêde bûne û ev rewş di kampaniyan de diyarker bû.
Di nav namzetan de her çend siyasetmedara rastgir Keiko Fujimori, komedyen Carlos Álvarez û navên din ên bihêz derkevin pêş jî, hevrikî pir parçebûyî xuya dike.
Li gorî pisporan, hilbijartin wê diyar bike ka Perû dikare ji bê îstîqrariya siyasî ya ku demeke dirêj e berdewam dike rizgar bibe yan na?
Lê belê tabloya parçebûyî û baweriya siyasî ya qels nîşan dide ku dibe di dema piştî hilbijartinê de jî nezelalî berdewam bike.
