Berpirsê tîma vemirandina agir a Yûnanistanê Vasîlîs Vathrakoyanis ragihand ku tîmên hawarçûnê bi alîkariya amûrên giran û kûçikên polîsî karîn termên şeş kesên windabûyî li Atînayê bibînin. Kesên ku jiyana xwe ji dest dane du pîr û kalên rûniştvanên avahiyê bûn û li gel wan jî 4 geştyarên Amerîkî hebûn ku li şeqeyeke dîtir a avahiyê dima bûn.
Polîs diyar kir ku her çar geştyarên Amerîkî biryar bû roja Înê saet 03:00 piştî nîvro ber bi balafirgeha Atînayê ve bi rê bikevin daku vegerin welatê xwe, lê piştî rûdana teqînê ti agahî ji wan nehatibû girtin.
Balyoza Dewletên Yekbûyî yên Amerîkayê li Yûnanistanê Kimberly Guilfoyle jî bi daxuyaniyekê li ser tora civakî ya X xemgîniya xwe ya kûr ji bo mirina çar hemwelatiyên Amerîkî nîşan da.
Teqîna ku roja Înê rû da ziyaneke gelek mezin gihand taxa Plaka ku nêzîkî şûnwarên dîrokî yên weke Akropolis û Perestgeha Zeusê ye.
Heta niha vekolînên tîma tawanan a agirkujiyê li ser cihê bûyerê berdewam dikin ji bo eşkere kirina sedema rastî ya teqînê, piştî ku çendîn rûniştvanên herêmê ragihandibû ku beriya teqînê bêhna gazê ji avahiyê dihat.
