Duh, hêzên Rûsî bi dron û mûşekan êrîşî bajarê Xarkîv ê bakur-rojhilatê Ukraynayê kir.
Di encama vê êrîşê de, herî kêm 7 kes ku di nav wan de 2 zarok hene, hatin kuştin.
Serokê Ukraynayê Volodymyr Zelensky bal kişand li ser êrîşê û wiha anî ziman:
"Rûsyayê 480 dron û 29 mûşek avêtine îstasyon enerjiyê û binesaziya rêhesinî li seranserî welêt.
Rûsyayê dest ji hewildanên xwe yên ji bo wêrankirina binesaziya niştecîhan bernedaye.
Ji hevkarên xwe xwest ku dabînkirina parastina hewayî û çekan bidomînin."
Rayederên Ukraynî dan xuyakirin ku Rûsyayê êrîşî 4 îstasyonên trênê û binesaziya rêhesinê li navenda Ukrayna kiriye.
Di heman demê de, binesaziya bendergehê li herêma başûrê Odessa ya Ukraynayê hedef girtibû.
Di navbera Rûsya û Ukraynayê de 1000 dîlgirtî hatin berdan
Îmaratên Erebî serkeftina hewldanên navbeynkariya hevbeş ên nû bi Amerîkayê re di navbera Rûsyayê û Ukraynayê de ragihand.
Di encama vê serkeftinê de, di nav du rojan de 1000 dîl girtî hate berdan.
Bi vî awayî hejmara giştî ya girtiyên ku di navbera her du welatan de bi rêya van navbeynkariyan hatine guhertin gihîşt, 5 hezar û 955 girtiyan.
