Saziya Ciwanan a Almanyayê (Jugendamt) ji ber sedemên ewlehiyê mafê welayetê bi awayekî demkî ji dê û bav standibû û sê zarokên wan ên piçûk li cihekî din bi cih kiribûn. Piştî ku dê û bav bêyî zarokên xwe hatin dersînorkirin, Konseya Penaberan a Hessenê hişyarî da ku ji ber qedexeya vegerê ya li ser dê û bavan, metirsiya veqetîneke hetahetayê ya malbatê heye.
Rêveberê Konseyê, Timmo Scherenberg, ev bûyer wekî skandaleke kêmwêne pênase kir û destnîşan kir ku heta niha mînakên bi vî rengî tenê li Amerîkayê hatin bihîstin.
