Hat Nûkirin:
Navê, “Xurtkirina hevgirtina neteweyî û yekparebûna civakî” li qanûna çarçoveyî hate kirin.
Devlet Bahçelî û Numan Kurtulmuş qanûna çarçoveyî îmze kirin
Qanûna ku 12 xalan pêktê dê sibe di seat 10.30`an de pêşkêşî Serokiya Meclisê bê kirin.
Serokê Giştî yê MHPê Devlet Bahçelî û Serokê Meclisê Numan Kurtulmuş jî îmza kirin.
Wê sibe Dem Partî qanûna çarçoveyî îmze bike
Her wiha wê Hevserokên Giştî yên DEM Partiyê Tulay Hatîmogullari, Tuncer Bakirhan û endamên şandeya Îmraliyê Pervîn Buldan, Mithat Sancar û Faîk Ozgur Erol sibe beriya nîvro qanûna çarçoveyî îmze bikin.
Piştî qanûn pêşkêşî Serokiya Meclisê bê kirin jî wê seat di 11.00`an de AKP`ê û MHP`ê daxuyaniyeke hevpar bidin.
Di daxuyaniyê de Serokê Koma AKP`ê Abdullah Guler, Serokwekîlê Koma AKPê Efkan Ala û Serokwekîlê Koma MHPê Erkan Akçay, Fîlîz Kiliç û Fetî Yildiz dê cih bigirin.
AKP ji bo qanûna çarçoveyî bi CHP'ê re civiya
Li gel serdan û civînên partiyên siyasî jî didome.
Îro Serokwekîlê Koma AKPê Abdulhamît Gul û Serokê Edaletê yê Meclisê Cuneyt Yuksel derbarê qanûna çarçoveyî de bi Serok Wekîla Koma CHPê Sevda Erdan Kiliç re hevdîtin kirin.
Rayedarên AKP'ê duh serdana Dem Partî û MHP'ê kirin
Duh êvarê, partiyên siyasî li Parlamentoyê li ser "qanûna çarçoveyî" nîqaş kirin.
AKP pêşî bi DEM Partiyê û dû re jî bi MHP re civiya.
Serokê Meclîsê Numan Kurtulmuş jî bi Alîkarê Serokê Giştî yê AKP'ê Efkan Ala û Serokê Komê Abdullah Guler re hevdîtin pêk anîbû.
