Li bajarê Minbicê li dijî sûc û kiriyarên çekdarên girêdayî Tirkiyê protesto berdewam dikin. Xwepêşandêran daxwaza darzandina kujerê welatiyê bi navê Ebdullah El-Mûsa kirin.
Bi sedan şêniyên bajarê Minbicê û gundewarê wê, tevlî xwepêşandanê bûn.
Xwepêşandêr li qada giştî ya bajarê Minbicê kom bûn, wêneyên Ebdullah El-Mûsa hildan û daxwaza darzandina kujerên wî kirin.
Di 17ê Mijdarê de, çekdarên girêdayî Tirkiyê welatiyê bi navê Ebdullah El-Mûsa El-Hesen dema ku sotemenî ji gundê Cib Ebiyd ê gundewarê Dêr Hafirê ber bi Minbica dagirkirî ve dibir, bi guleyan kuştin.
© 2026 – NÛÇE TV Hemû maf parastî ne. Nûçe Rastî ye