Partiyên ku di Komîsyonê de cih digirin ji bo çareseriya Pirsgirêka Kurd, raporên xwe pêşkêşî Serokatiya Parlamentoyê kirin.
Di raporên MHP û AKP'ê de sedemên Pirsgirêka Kurdan nehatine nirxandin û pirsgirêk dîsa wekî "pirsgirêka terorê" hatiye pênasekirin.
Li aliyê din, di raporan de behsa qedexe, astengiyên li pêşiya ziman û çanda Kurdî, nasname û temsîliyeta siyasî nehatiye kirin.
Wekîlê Serokê Koma DEM Partiyê Sezaî Temellî li ser raporên partiyan û rûdanên pêvajoya çareseriyê li Parlamentoya Tirkiyeyê axivî.
AKP û MHP'ê pirsgirêkê bi çêkberdanê sînordar kirine"
Temellî,dibêje, raporên AKP û MHP’ê ji tu hêvî û bendewariyan re nebûye bersiv.
Temellî bal kişand ser aliyên pirsgirêka Kurd ên dîrokî, siyasî û nêzîkayên seranser yê ji mijarê jî wiha rexne kir:
“Di raporan de pirsgirêka Kurd ji hêla dîrokî û siyasî ve baş nehatiye nirxandin. Tê dîtin ku baş fêm nekirine. Tê dîtin ku tenê ji hêla çekberdanê ve nêz dibin û li gorî xwe ji bo kesên çekan ber didin jî hinek verastkirinên bisînor pêşniyar dikin.
Yên dibêjin bila pirsgirêka Kurd çareser bibe lê qet behsa wê nekirin jî hene. Em li bendê bûn ku AKP weke partiya îktîdarê, meseleyê bi berfirehî bigire dest û çareseriyekê raber bike.
Mixabin em nikarin bibêjin ku MHP, AKP û CHP’ê pirsgirêk baş nirxandine û çareseriyek pêş xistine.”
Rapora MHP’ê qels e
Temellî gotinên Bahçelî yên têkildarî “mavê hêviyê” bi bîr xist û ji bo rapora MHP'ê jî got ku hinek xels e û wihê lê zêd kir:
Bi taybet jî di mijarên mafê hêvî û verastkirinên qanûnî de. Lê rastiyek heye ku hem di rapora AKP’ê de hem jî di yên partiyên din de em dibînin ku di rêya çareseriya demokratîk a pirsgirêka Kurd de ne. Lê rêbazên me ji hev cuda ne.
Pengavên divê bên avêtin
Temellî bendewariyên ku hene meclîs jî ji bo amadekirina yasaya taybet têkeve pêvajoyekê destnîşan kir û got:
Ji bo hin gavan, pêdivî bi guherîna yasayan nînê. Daxwaza me aliyên peywendîdar ewe ku di mijara girtiyê nexweş û bicihanîna biryarên Dadgeha Mafên Mirovan a Ewropayê de gavan bavêjin.
