Di serê vê sibehê de, artêşa Îsraîlê êrîşên hewayî li ser bajarokê başûrê Libnanê Cebşît û Nebetiyê pêk anî.
Li gorî agahiyan, artêşê her wiha êrîşên xwe berfireh kirin, da ku çend deverên li başûr û Bîqa’ê li rojhilatê welêt jî bigire nava xwe.
Di nava êrîşên xwe de, Îsraîlê nexweşxaneya Hîramê ya li bajarokê Sorê jî armanc kir.
Di emcamê armanckirina vê nexweşxaneyê de, kesek hat kuştin û 17 birîndar bûn ku 10 kes endamên tîmên tendusristiyê bûn.
Li hin bajarokên din yên başûrê Libnanê jî, mîna Terdeba û Abasiya, êrîş pêk hatin û hat zanîn ku kuştî û birîndar hene.
Ji aliyê xwe ve jî, Hizbullahê diyar kir ku hêzên wan erebe û tankên Îsraîlî li çend deverên sînorî armanc kirin.
Bîlançoya qurbanên Şerê Libnanê: 3711 kuştî û 11483 birîndar
Di heman çarçoveyê de, Wezareta Tenduristiyê ya Libnanê da zanîn ku hejmara qurbanên şer ji destpêka êrîşan û heta niha ve, gihîştiye 3 hezar û 711 kuştiyan.
Her wiha 11 hezar û 483 kes jî birîndar bûne.
